assalamualaikum mek..
aloslah lamo x jupo mek..saing lamo awe nih..lamo doh kito tok jupo..apo kaba eh loni?sihat ko? napok ko gamba dale facebok ni sihat molek.ado anok doh dio..cepat molek dio.ehehe..napok supo bahagio molek.moleklah gitu gak..awe ni buke gapo,bilo tengok gamba mek dale facebok ni sero mari raaa raaa bulu romo.teringat weh kisoh2 maso kito kecik dulu..
mek....mek ingat lagi dok maso kito darjoh 1 mulo..awe ingat lagi,mek duduk ngesut alik kiri tepi nyelo.awe plok dok belake mek..awe ingat lagi maso tuh,kenange kito cukup indoh,takdok masaloh gapo-gapo.mari skoloh dok bercaro ko ngaji,tapi dok ralit main berambak berungga tepi pade..bahagionyo kito mulo..mek ingat dok?..ado so maso tu, maso kito dok mengaji dale kelah bahaso melayu,tibo-tibo awe bau mace tahik jah dale kelah.puah awe cari,yolah kot-kot ado kucing berok dale kelas kito..tapi tibo2 awe tengok mek dok berjerit..rupo-ruponyo mek berak dale kelah..alossla weiiiii..kuning molek,berdenerrr atah krusi..tapi takpo..ore kato warno kuning tu lambe setio.awe sanggup gi royak cikgu senyap-senyap mek berok dale kelah..mesti mek raso awe hero maso tu dok??kade-kade bilo awe teringat peristiwo tu,sero banggo sapa loni...
mek....mek ingat dok mulo?maso tu kelah fardu ain..ado pokcik mari jual gulo leng depe sekoloh.mek royak ko awe nok sangat make gulo leng samo-samo.awe pun bilo dengar jah mek nok make gulo leng,cepat2 awe g beli..sedap dih maso tu,make samo-samo..walaupun maso tu mek make gula leng bele-bele neleh hingus kot idung.berlenjho nitik atah gulo leng,awe sanggup make jugo demi mek..mek pun sanggup make sekali nge awe walaupun gigi awe gongok..mek ingat lagi ko dok?
mek ingat lagi maso kito darjoh 3?maso tu kito main guli tepi kantin sekoloh kito.awe tok pehe bakpo mek maroh sangat ko awe maso tuh,mek kato awe main nipu..padahal awe main molek doh..mek jerit lari masuk kelah..awe kecewo mek..bilo lamo bedo'oh mek tok tegur awe,awe raso x sedak ati.ore kato nok tido pun tok jenero..kade2 bilo berok jah nampok kuning2 teringat ko mek..1 hari awe ambik keputuse,nok mintok maaf..tapi awe x tau lagu mano nok royat. mek pun bilo nampok jah awe,mek buat muko supo anok tupa lapar..aloss la sedihnyo awe maso tu.
pah pado tu, ado sekali maso perikso matomatik.ambo tengok mek gelisoh jah atah krusi.awe tok tau bakpo mek jadi gitu..rupo-ruponyo mek takdok ghoba.awe pakat tok kecek banyok.awe kekoh ghoba awe sapa putus duo.awe bui ko mek.mek pun sengih jah ko awe maso tuh..walaupun gigi mek gongok maso tu,pado mato awe tetap mek comel..
bilo masuk jah 4..mek tok mari skoloh..puas awe cari..rupo-ruponyo mek tukar skoloh sebab mok ayoh mek tukar skoloh..sedihnyo awe maso..mek tau dok?.mesti mek tok tau..
16 belas tahun awe tok dengar kaba mek..bendo lamo kade mari lass teringat jgok.tapi nok buat guano..mugo pertemu'e tok panje..
tapi harini.jupo lagih kito dale facebok.wlaupun gigi mek tok gongok supo dulu,wlaupun mek takdok hinguh berlenjo2 supo dulu,tapi awe tetap cam mek...sedap mato kelih mek bhagio..comel anok mek,skali kelih supo mek kecik-kecik dulu.awe harap mek bahagio sokmo..doa la awe bia senang lene jgok.alossss ngatuk la plok....tido dulu....
ado so lagi...lamo wehhh tok make gulo leng...
